'''Vallibiernako harana''' ({{lang-an|Vall de VallibiernaVallhibierna}}; {{lang-es|Valle de Vallibierna}}) [[Pirinioak|Erdialdeko Pirinioetan]] [[Aragoi]]ko [[Huescako probintzia]]n dagoen [[haran]] bat da, [[Benasqueko harana]]ren erdialdean eta [[Posets-Maladeta Parke Naturala]]ren barnean. Haran honen iparraldean [[Maladeta]] mendikatea dago, eta hegoaldean [[Cerler eski estazioa]]. Harana eki-mendebaldeko norantzan kokatua dago, 9 km inguruko luzera du, eta bere ibarrean [[Éseras]] ibaiaren ibaiadarra den Vallivierna ibaia doa. Haranaren magaletan [[pinu beltz]] eta [[pago]]z osatutako bazoak daude. 2.300 metroko garaieratik gora goi larreak eta harkaitzak daude. Haranaren erdialdean, Corones mendi-aterpea dago, eskualde honetako zaintza gabeko aterpe ugarietako bat dena. Mendebaldeko eremuan, haranaren behealdea dena, ibaia 200 metro baina gehiago dituen arroila batetik igarotzen da. Haranaren zenbait guneetan harkaitz bolkanikoa daude.
