Bizidun [[diploide]]etan, organismo bat '''heterozigotoa''' da [[gene]] batekiko gene horren bi [[alelo]] desberdinak dituenean. Hots, heterozigotoak gene bereko bi alelo desberdinak ditu.
Heterozigotoari ere hibridoa deritzo.
Aleloak [[alelo gainartzaile|gainartzaileak]] ala [[alelo azpirakor|azpirakorrak]] izan daitezke. Bi horietako zein den jakiteko, heterozigotoari so egin behar zaio: alelo gainartzailea da heterozigotoaren [[fenotipo]]an agertzen dena.
Esaterako, [[ilar]]raren haziaren kolorea mugatzen duen geneak bi alelo ditu: batek hori kolorea eragiten du (A), eta besteak kolore berdea (a). Alelo gainartzailea A da, heterozigoto guztiak (''Aa'' [[genotipo]] dutenak) fenotipo horia dutelako.
