Pleurako isuri

Pleurako isuria gehiegizko likidoaren presentzia da pleurako barrunbean baitan, kasu batzuetan arnasestua edota mina ere eraginez.

A geziak isuria markatzen du, albo batean etzanda dagoen paziente batengan.

Motak

• Likido serosoa: Hidrotorax.
• Odola: Hemotorax.
• Likido esnetsua edo lipidikoa: Kilotorax.
• Zornea: Piotorax edo empiema.

Diagnostikoa

Torakozentesiaren bidez egin behar da, hau da likido atera eta aztertuz.

Azterketa biokimikoa

Proteinak eta LDH bai pleurako likidoan (Prot-p eta LDH-p) bai odolean (Prot-s eta LDH-s) aztertzean bi aukera topa dezakegu: Exudatua edo transudatua.

Exudatua

Hiru irizpide hauetatik bat gutxienez bete behar du:

• • LDH-p >200.
  • Prot-p/prot-s >0.5.
  • LDH-p/LDH-s >0.6.

Tuberkulosia, Minbizia eta Neumonia dagoenean agertzen da.

Transudatua

Aurreko irizpideak betetzen ez dituenean. Bihotz-gutxiegitasunean ikusten da.

Tratamendua

Jatorrizko gaixotasuna tratatzeaz gain, askotan pleurarako hodiak ipini behar dira likido guztia atera arte. Isuria berriro ez sortzeko, paziente batzuei pleurodesia egiten diete, pleuraren bi mintz itsastearen bidez.