Utsjoki: berrikuspenen arteko aldeak

Finlandiako gainontzeko udalerriekin alderatuz gero, Utsjoki ez da aintzira handiko udalerria. Zehazki, azalera osoaren %4,2 baino ez da ur-azalera; guztira, 226,02 km²<ref name=Bibliografia1></ref>. Hala ere, 1.820 aintzira daude bertan, gehienak ekialdean biltzen diren aintzira txikiak<ref>[http://www.jarviwiki.fi/wiki/Utsjoki JärviWiki"Utsjoki"]. Suomen ympäristökeskus''JärviWiki''. 2018.12.11</ref>; besteak beste, aipatzekoak dira [[Veahčajávri]] edo Vetsijärvi, Norvegiarekin muga egiten duen [[Pulmankijärvi|Buolbmátjávri]] edo Pulmankijärvi, Geavojávri edo Kevojärvi, Inarirekin muga egiten duten [[Čárajávrrit]] eta Juttjávri/Jottijärvi, eta mendebaldeko Luopmošjávrrit edo Luomusjärvet multzoa, Stuorrajávri eta Nuorttahjávri aintzirek osatzen dutena. Ur eremu honen artean, bestalde, nabarmenak dira udalerria zeharkatzen duten ibaiak, batik bat, herrialdearen iparraldeko muga marrazten duten [[Tenojoki|Deatnu]] edo Teno (250 km-ko luzera du) eta [[Kárášjohka]], eta [[Inari (ibaia)|Anár]] edo Inari ibaia (152,9 km luzekoa). Beste ibai garrantzitsu batzuk Inaritik iristen den Gámasjohka edo Kaamasjoki, [[Kevoko arroila]] sortzen duen [[Geavojohka]] edo Kevojoki, Veahčajohka/Vetsijoki, eta udalerriak izenak zor dizkion Ohcejohka edo Utsjoki dira. Azkenik, aipatzekoa da 26 metroko altuera duen eta herrialde osoko erorketa malda altuenetakoa duen [[Fiellu]] ur-jauzia<ref>[https://www.luontoon.fi/utsjoki/palvelut/luontotupa "Utsjoen luontotupa"]. ''Luntoon''. 2019.01.15</ref><ref>[https://www.suomenvesiputoukset.fi/vesiputoukset/suomen-vesiputoukset-luettelossa/fiellun-putous/ "Fiellun putous"]. ''Suomen Vesiputoukset''. 2019.01.16</ref>.