{{nihongo|'''Sadako Ogata'''|緒方 貞子|Ogata Sadako|extra=[[Tokio]], [[1927]]ko [[irailaren 16]]a - [[ibidem]], [[2019]]ko [[urriaren 22]]a}} [[japoniar]] politikaria daizan zen. Aita diplomatikoa zuen, eta atzerrian hazi eta hezi zen, Pekinen eta Londresen. Politika-zientzietako ikasketak egin zituen gero, Tokion, Kalifornian eta Washingtonen. 1976tik 1979ra, Japoniako lehen enbaxadore izan zen [[Nazio Batuen Erakundea|Nazio Batuen]] aurrean. Japoniaren ordezkari izan da, halaber, Nazio Batuen Giza Eskubideen Batzordean, Genevan. Haurren Laguntzarako Nazio Batuen Nazioarteko Funtseko ([[Haurren Laguntzarako Nazio Batuen Funtsa|UNICEF]]) Administrazio Batzordeko lehendakari ere izan da. Nazio Batuetan egindako lana giza eskubideen eta iheslarien aldekoa izan da beti. Zenbait misiotan lortutako arrakastagatik (Indotxinan, Myanmarren eta abarretan), [[Iheslarientzako Nazio Batuen Goi Mandataria|Iheslarientzako Nazio Batuen Goi Mandatariaren Bulegoko]] (UNHCR) lehendakaritzarako proposatu zuen Nazio Batuen idazkari nagusi [[Javier Pérez de Cuéllar|Pérez de Cuéllarrek]]. Bien bitartean, Tokioko Sofia Unibertsitateko Atzerriko Ikasketen Fakultateko dekano-kargua eta Asiako Bakeari eta Garapenari buruzko goi-ikasketen katedra eskuratu zituen.
