G puntu: berrikuspenen arteko aldeak

Ezabatutako edukia Gehitutako edukia
Orrialde berria: '''Gräfenberg puntua''', edo '''G puntua''', kitzikatu ondoren eszitazio sexual eta orgasmora eramaten duen zona erogenoa da. == Jatorria == "G puntu" adierazpena, 1944an...
(Ez dago alderik)

15:04, 21 apirila 2008ko berrikusketa

Gräfenberg puntua, edo G puntua, kitzikatu ondoren eszitazio sexual eta orgasmora eramaten duen zona erogenoa da.

Jatorria

"G puntu" adierazpena, 1944an honen existentzia iragarri zuen Ernst Gräfenberg ginekologo alemaniarraren omenez izendatu zen. Urte bat beranduago The G Spot and Other Recent Discoveries About Human Sexuality by Ladas et. al. argitalpenari esker G puntuaren existentzia zabaldu zen[1].

Jendarteko ustea

Kritika zientifiko eta profesionala, eta eszeptizismoaz gain, G puntua, kontzeptu moduan onartua izan zen jendartean. Ikerketa baten arabera emakumeen ehuneko 84ak baginan "oso sentikorra den zonaldea" dagoela uste du.

Kokapena

G puntua emakumeen genitalen aldeko gune txiki batean aurkitzen da, pubis hezurraren atzekaldean eta uretra inguruan zehazki. Skene-guruinak aurkitzen diren uretra arolaren berdina edo parte da.

G puntua adierazpena uzkia edo perineo presionatuz kitzikatu daitekeen gizonezkoen prostata adierazteko ere erabiltzen da kaleko hizkuntzan analogia moduan.

Kilikapena

Gorantz okertutako zakilak baginako aurreko paretan presio handiagoa eragiteko gaitasun naturala dauka. Zakila gorantz okertzen ez bada, beste sexu posizio bat beharko da. Adibidez, zakila beherantz okertzen zaion gizonezkoak atzealdeko sarpena egokiagoa dela aurkitu dezake G puntua kitzikatzeko, kurbak aurreko pareta presionatuko baitu.

G puntuaren kilikapena behatz edo mingainaren erabilpen bitartez posible da, klitorisa beherantz bultzatzen den bitartean mingaina edo behatza dei mugimendu bitartez lorturiko presio bateratuari esker. Behatza edo mingaina bagina barruko 2,5 eta 7,5 zentimetroen artean egon behar du. Hala ere, emakume bakoitzak kilikapen modu ezberdin bat behar lezake.

Hogeita hamar urte baino zaharragoak diren emakumeetan G puntuaren kilikapena biziagoa dela uste da, bagina barneko ehun egituraren aldaketen ondorioz G puntuarekiko sarbidea errezagoa izatea laguntzen baitu.

Erreferentziak