[[Fitxategi:Marifé_de_Triana_Copla.jpg|thumb|''[[Copla española]]'' (hemen, [[Marifé de Triana]]), espainiar kulturaren eredu garrantzitsu bat diktadurapean]]
Bestalde, mezuaren sinplifikazioan, gaizkia ez-espainiartasunarekin identifikatu zen. Juduak eta masoiak aipatzen ziren Espainiako nazioari kontrajarrita; «Espainia bakarra, handia eta askea» erregimenaren goiburuari, «gorriek eta separatistek» egiten omen zioten itzala. Aldi berean, erregimenak harrotu egiten zituen masak atzerritik zetozen kritiken («anti-espainiarren») kontra. Adibidez, Municheko adierazpenaren ondorenkontra ekin zion ([[Municheko elkar hartze makurra|Erregimenak «''Contubernio de Munich»'' deitua]]), sistema demokratikorik gabe Espainia [[Europako Ekonomia Erkidegoa|Europako Ekonomia Erkidegoan]] sartzearensartzea eragoztearen kontrakoaaldekoa (1962). Guztiek ere kanpotartasuna adierazten zuten, ez-espainiartasuna. Erregimenaren goiburu nazionalistak, eguneroko bitartekoen bidez gainera, askotariko zeremonia eta data berezietan errepikatzen ziren, adibidez, [[Jose Antonio Primo de Rivera]] edo [[Emilio Mola]]ren omenaldietan. Eliza zen [[Nazionalkatolizismo|nazional-katolizismoaren]] oinarria, baina [[Vatikanoko II. Kontzilioa|Vatikano Bigarrena Kontzilioaren]] ondorioz, Erregimenaren eta Elizaren arteko harremanak gaiztotu egin ziren. Testuinguru horretan, [[Antonio Añoveros]] Bilboko apezpiku [[Ataun|ataundarrak]] euskal herriak bere hizkuntza eta kultura izateko eskubidea zuela defendatu zuen, Erregimenak «Espainiako batasunaren kontrako» adierazpentzat hartu zuena, eta krisi larria piztu Elizarekin; [[Carlos Arias Navarro|Arias Navarroren]] Gobernuak etxean atxiloarazi zuen apezpikua, baita hegazkin bat bidali ere Bilbora apezpikua berehala Espainiatik kanporatzeko, [[Erromatar Eliza Katolikoa|Elizarekiko]] elkarrizketek azkenean hori eragotzi zuten arren.<ref>{{Erreferentzia|izena=Ediciones El|abizena=País|izenburua=Fallece Añoveros, el obispo que provocó la mayor crisis entre la Iglesia y el franquismo|hizkuntza=es|data=1987-10-25|url=https://elpais.com/diario/1987/10/25/espana/562114811_850215.html|aldizkaria=El País|issn=1134-6582|sartze-data=2019-06-04}}</ref><ref>{{Erreferentzia|izena=TAI GABE DIGITALA|abizena=SL|izenburua=La Iglesia vasca y el fin del romance entre Franco y el Vaticano|hizkuntza=es|data=2013-04-27|url=https://www.naiz.eus/eu/actualidad/noticia/20130429/la-iglesia-vasca-y-el-fin-del-romance-entre-el-franquismo-y-el-vaticano|aldizkaria=naiz:|sartze-data=2019-06-04}}</ref><ref>{{Erreferentzia|izenburua=El día que Franco rozó la excomunión|url=https://www.publico.es/politica/dia-franco-rozo-excomunion.html|aldizkaria=www.publico.es|sartze-data=2019-06-04}}</ref>
