'''Filipo II.a Mazedoniakoa''' ([[greziera]]z Φίλιππος Β' eta [[mazedoniera]]z Филип II-ри, [[antzinako greziera]]zko Filos/Φἰλος (laguna, zalea) eta Ippos/ἵππος (zaldia) hitzetatik datorrena; [[K.a. 382]]-[[K.a. 336]]) [[Mazedonia (antzinako erresuma)|Mazedoniako Erresumako]] erregea izan zen [[K.a. 355]]etik hil zen arte. [[Alexandro Handia]]ren aita izan zen eta haren balentriek semearen zuen bide loriatsua erraztu zuten. Litekeena da, [[Egipto]]ko [[Ptolomeotar dinastia]]ko sortzailea eta lehen erregea izan zen [[Ptolomeo I.a|Ptolomeo I.a Soterren]] aita ere izatea.
== Bizitza ==
[[Pella]]n jaioa, Filipo [[Amintas III.a]]ren ([[K.a. 394]]-[[K.a. 370]] eta [[Euridize II.a Mazedoniakoa]]ren seme gazteena zen. Filipo bahitu bezala egon zen [[Tebas (argipena)|Tebasen]], garai hartan [[tebastar nagusitasuna|Grezian nagusi zen polisa]], hiru urtez, [[K.a. 368]]tik [[K.a. 365]] arte. Garai horretan Filipok heziketa militar eta diplomatikoa jaso zuen [[Epaminondas]]en aldetik eta Pamenes Tebasekoarekin bizi izan zen, [[Tebasko Batailoi Sakratua|Tebaseko Batailoi Sakratuaren]] defendatzaile suar bat.
[[K.a. 364]]an Filipo Mazedoniara itzuli zen, gobernuko kontuetan parte hartuz. Bere bi anaia nagusiak ziren [[Alexandro II.a Mazedoniakoa]] eta [[Perdikas III.a Mazedoniakoa]] erregeen heriotzek bere iloba eta Perdikas III.aren semea zen [[Amintas IV.a Mazedoniakoa]]ren erregeorde bihurtzea ahalbidetu zioten. Filipo gaztea, 22 urte baino ez zituena, gobernari bihurtu zen ''de facto''.