Erromako kontsul: berrikuspenen arteko aldeak

[[Tarkinio Superbo]] azken errege etruskoa bota ondoren, erregeen agintea eta autoritatea, hein handi batean, ezarri berri ziren kontsulei eman zitzaizkien. Hasiera batean "pretor" (lider) deitu zitzaien magistratu horiei, armadako buruak baitziren. [[K. a. 305]]ean, berriz, kontsul izena eman zitzaien.

Tradizioari jarraikiz, hasiera batean [[patrizioak]] baino ez ziren kontsul karguan aritzen. [[K. a. 367]]an plebeioek magistratura horretan aritzeko eskubidea lortu zuten, Licinia Sexta legeak xedatzen baitzuen urteroko bi kontsuletatik bata [[plebeio]]a izanen zela. Hurrengo urtean [[Luzio Sexto]] izan zen lehendabiziko kontsul plebeioak. Hala ere, egungo historialariek zalantzan jarri dute kontaera tradizional hori; izan ere, Luzio Sextoren aurretik izen plebeioak zeramatzaten kontsulak bazeuden.

Denborak aurrera egin ahala, kontsul izatea bilakatu zen norberaren ibilbide politikoaren gailurra eta azken pausoa. [[K. a. I. mendea]]n, [[Luzio Kornelio Sila|Silak]] ibilbide politikoa legeztatu zuenean, kontsul izendatu ahal izateko, 41 urte izan behar zituzten politikariek. Julio Zesar Erromako kontsul hautatu zuten [[Erromako Senatua|senatuan]] hainbat aldiz, [[K. a. 59|K.a. 59an]] hasita.