Arabia: berrikuspenen arteko aldeak

[[K. a. IX. mende]]ko testu [[Akadtar Inperioa|akadtar]] eta [[hebrear]]rek [[Mesopotamia]]ko basamortuan, gaur egun Arabia denaren ipar-mendebaldean, kokatzen dute ''Aribi'', ''Arabu'', ''Arubu''(akadtarrek) eta ''Arab'' (hebrearrek) deituriko herria. Geroago, gerrak galdu arren, beti matxinadetan aritzen ziren arabiarrak aipatu zituzten [[asiriar]]rek beren kroniketan. [[Iran|Persiak]] nolabaiteko eragina izan zuen arabiarrengan: [[K. a. 481]]ean, [[Xerxes I.a]]ren armadako gudarien artean, arabiarrak ere baziren.

Arabiaren iparraldean egokituriko herriek (hebrearrak, [[babiloniar Inperioa|babiloniarrak]], persiarrak) antzinako ekialde klasikoari begira bizi behar izan bazuten ere, Arabia hegoaldean bizi ziren herri [[semita|semitek]] arras zibilizazio berezia izan zuten. Kristo aurreko testu hebrear batek ematen du [[Saba (Arabia)|Sabako]] estatu baten berri. [[K. a. 24]]an, [[Zesar Augusto]]k [[Antzinako Egipto|Egiptoko]] gobernaria igorri zuen lurralde haiek konkistatzera. Hego Arabia nekazaritzako teknika aurreratuei esker (ureztatze-teknikak eta terrazak) lorturiko gaiez bizi zen, baina gainerako arabiar lurraldeetako bizimodua zeharo bestelakoa zen. [[Beduino]] nomadak azienda-hazkuntzatik bizi ziren, eta [[oasi]]etan laborantza- eta azienda-hazkuntzaz bizi ziren taldeak nomaden razzien mendean zeuden. Horiezaz gainera, Mesopotamia, [[Siria]] eta [[Palestina]] inguruko lurraldeetan ere bizi ziren arabiarrak. Arabiako [[Nabatea]] ([[Petra]], hiriburua) erromatarren aliatua izan zen. [[106]]. urtean, [[Trajano]]k bereganatu, eta Arabiako probintzia eratu zuen.