Pepe Rei: berrikuspenen arteko aldeak

[[Galizia]]n jaioa, Pepe Rei oso gazte sartu zen kazetaritzaren munduan. Hasieran, ''[[El Pueblo Gallego]]'' eta [[Huelva]]ko ''Odiel'' egunkarietan. 1974an ''El caso Reace'' liburua argitaratu zuen; bertan, [[Redondela]] aferaren inguruko informazioa bildu zuen, errudunen izenak azalduz, tartean [[Nicolas Franco]] diktadorearen anaiarena. Ondoren, ''Madrid'' egunkarian hasi zen, frankistek hedabide hau itxi zuten arte. Laurogeigarren hamarkadan ''[[La Voz de Euskadi]]'' egunkariaren sorreran hartu zuen parte, honek ere porrota ezagutu zuen arte. Urte horietan ''[[Interviu]]'' aldizkarian ere idatzi zuen. 1988an ''[[Egin (egunkaria)|Egin]]'' egunkarian hasi zen lanean; bertan, hain ospetsua izan zen "Ikerketa taldea" sortu zuen. Talde horren arrakastak ondorio larriak izan zituen kazetari honentzat, hiru aldiz espetxeratua izan baitzen. 1998an ''[[Egin]]'' Garzonek itxi zuen eta Pepe Rei ''[[Gara]]'' mantxeta berria izango zenaren alde lanean hasi zen. 2000.urtean ''[[Ardi Beltza]]'' aldizkaria sortu zuen, baina berehala itxi zuen Baltasar Garzonek. [[18/98+ auzia]]n pieza banandua edo aparteko epaiketa jasoko zuen. Hala eta guztiz, 2002ko abuztuan [[Donostia]]ko ingurabidean Pepe Reik istripu larria izan zuen. Ondorioz, kazetaritzaren mundua erabat utzi behar izan zuen eta epaiketatik at geratu zen.<ref>http://www.peperei.com/biografia.php?lang=1</ref>