Agustin Hiponakoa: berrikuspenen arteko aldeak

'''San Agustin Hiponakoa'''<ref>''Agustin'' da era arautua, eta ez ''Augustin'' ([https://www.euskaltzaindia.eus/dok/arauak/Araua_0066.pdf Euskaltzaindiaren 66. araua: Santutegiko izenak])</ref> edo '''Aurelio Augustino''' ([[Thagaste]], [[354]]ko [[azaroaren 13]]a - [[Annaba|Hipona]], [[430]]eko [[abuztuaren 28]]a) [[filosofia|filosofo]] eta teologo bat izan zen. Mendebaldeko [[kristautasun]]aren gizonik garrantzitsuenetakoa, [[Erromatar Eliza Katolikoa|Eliza Katolikoaren]] santu eta doktore, kristau dotrina [[neoplatonismo]]arekin uztartu eta erlijioz kanpoko bestelako ekarpen filosofikoak ere egin zituen. ABDUZCAN

=== Bizitza ===

Agustinek bere lehen ikasketak [[Taghaste]]n eta [[Madura]]n egin zituen, greziar eta erromatar kultura ikasiz. Bere jaioterrian agintari aberatsa zen Romanianoren laguntzari esker, 16 urte zituelarik [[Kartago]]ra joan zen ikasketak jarraitzeko, bertan bikote harreman bat hasi zuen emakume batekin eta [[372]] urtean ''Adeodatus'' semea izan zuen berarekin. Garai beretsuan, aita hil zitzaion, azkenean kristautua. Gaztetan, Agustinen beraren hitzetan, arinkeriaz eta bihurrikeriaz jokatu ondoren, 19 urterekin [[Zizeron]]en ''Hortensius'' lana irakurri eta filosofiarako grina piztu zitzaion. Ondoren, [[manikeismo|manikeo]] bihurtzen da. [[Taghaste]]n eta [[Kartago]]n [[375]]etik aurrera [[erretorika]] irakatsi zuen, Romanianoren babespean betiere, Taghasten manikeo izateagatik amaren gaitzespena jaso ondoren. ''Aitorkizunak'' lanean garai hartako bere gehiegikeriak nabarmentzen dituen arren, ez omen zen horrenbesterako bere portaera urte haietan eta gerora kristau bihurtzean izandako aldaketa azpimarratzeko egiten duela aipatu. Azkenik, [[383]]an Erromara joatea erabaki zuen, Kartagoko ikasleen jakinimin ezaz gogaiturik eta jakintza-giro berria aurkitu nahian. Joan baino lehenago, erabateko haustura egin ez bazuen ere, aldendu egin zen manikeismotik, Fausto apezpiku manikeoarekin topaketa baten ondoren desilusionaturik. Ordurako ere, amarekin bakeak eginda bazegoen ere, berari ezer esan gabe alde egin behar izan bazuen ere.