|
Munduko probintzia bolkaniko handienetarikoa da. 500.000 kilometro karratuko eremua betetzen du eta >2000m-ko lodiera dauka. Indiako mendebaldean eta erdialdean dago kokatua eta duela 60-68Mu bitartean sortu zen Kretazeoaren bukaeran.
== Sorrera: ==
Deccaneko plataformaren sorrera azaltzeko bi teoria planteatzen dira. Bien artean indar gehiena duena mantu gorakor baten ondorioz sortu denarena da. Teoria honen alde egiten duten ikertzaileek argi dituzte bi gauza:
# Deccaneko basalto-plataforma Indiaren azpian zegoen luma gorakor baten ondorioz sortu zen, Kretazeoaren bukaeran.
# Gaur egun luma gorakor hori, Afrikako plakaren azpitik dago kokatuta.
Bestalde, beste ikertzaile batzuek uste dute Deccaneko basalto-platamorfa mikroplaken mugimenduen ondorioz sortua dela.
== Osaera kimikoa: ==
Deccaneko basalto plataformaren osatzen duen labaren %95 baino gehiago basalto tolteitikoak dira. Horretaz gain, baditu beste osagai batzuk ere:
* Basalto alkalinoak.
* Arroka igneo afanitikoak, piroxenoz eta nefelinaz osatuak.
* Lanprofidoak.
* Karbonatitak.
Plataformaren iparekialdean mantuko xenolitoak ere aurkitu izan dira.
== Eragina: ==
Deccaneko basalto-plataforma dinosauruen desagerpena eragin zuen suntsipen masiboaren eragiletzat jo izan da. Basalto-plataforma osatzen zuten basaltoak duela 65-60 Ma bitartean garatu ziren, pultso bolkaniko desberdinetan. Erupzioetan askatutako sulfurozko gasak oso kaltegarriak izan ziren, garai hartan bizi ziren bizidun guztientzat. Horretaz gain, askatutako gas horiek aldaketa klimatikoan eragina izan zuten, aldaketa klimatiko global bat eraginez. Erregistratutako datuen arabera, tenperatura 2ºC jaitsi zen.
== Bibliografia: ==
* <nowiki>http://volcano.oregonstate.edu/deccan-traps</nowiki>
* <nowiki>http://www.mantleplues.org/WebpagePDFs/Deccan.pdf</nowiki>
* http://www.ehu.eus/ojs/index.php/ekaia/article/view/2449
| 