Soja

Soja edo soia (Glycine max) jatorriz Asia Ekialdekoa den lekale bat da. Urteroko landarea da eta hazkunde, habitat eta altuera aldakorra eduki dezake. Etzanda haz daiteke, 20 cm-ko altuera baino txikiagoko aleak eratuz, edo 2 metroko altuera eduki dezake. Lekak, enborra eta hostoak pubeszentzia marroi edo gris finarekin estalita dauzka. Hosto trifoliolatuak dauzka, eta hostoxka bakoitza 15 cm luze eta 7 cm zabal da. Hostoak erori egiten dira haziak heldutasunera iritsi baino lehen. Lore txiki autoernalkorrak hostoaren axilan jaiotzen zaizkio. Zuriak, arrosak edo ubelak izan ohi dira. Fruitua 3-5 aleko multzoetan sortzen den leka iletsua da. Leka bakoitzak 5-11 milimetroko 2-4 hazi ekoizten ditu (gutxitan gehiago).

Taxotaula bat irakurtzeko era Soja
Sailkapen zientifikoa
Erreinua: Plantae Klasea: Magnoliopsida Ordena: Fabales Familia: Fabaceae Azpifamilia: Faboideae Generoa: Glycine Espeziea: G. max
Izen binomiala
'Glycine L. max' (L.) Merr.