Philippe Pinel: berrikuspenen arteko aldeak

[[Tolosa Okzitania]]n egin zituen [[medikuntza]]ko ikasketak, eta Bicêtren eta Salpêtrièren izan zen sendagile. Parisa iritsirik, zientzia-lanen [[itzulpengintza|itzulpenak]] eginez eta [[matematika]] irakatsiz atera zuen bizibidea. 1792an Parisko Bicêtre [[eroetxe]]ko mediku nagusi izendatu zuten, eta lehenengo aldaketa handiak egin zituen. Hala, gaixoei kateak kendu zizkien (zenbaitek 30 edo 40 urte zeramatzaten kateaturik). Berdin egin zuen 1794an [[Salpêtrière]]ko emakumeen eroetxeko zuzendari izendatu zutenean. [[Eromen|Erotasuna]] eta [[deabru]]ak hartua egotea gauza bera zirela zioen ustea alde batera utzirik, [[adimen gaixotasun]]a gehiegizko neke sozial eta psikologikoaren ondorio, eta neurri batean [[herentzia (argipena)|herentziaren]] ondorio zela aldeztu zuen.