aitor sanchez boxeador azterketa eta analisiak garrantzi handia izan du [[mekanika kuantiko]]an.
'''Hidrogenoa''' [[elementu kimiko]] bat da, '''H''' [[elementu kimikoen zerrenda ikurraren arabera|ikurra]] eta 1 [[atomo-zenbaki|zenbaki atomikoa]] ditu. [[Atomo nukleo|Nukleoan]] protoi bat duten atomoak hidrogeno-atomoak direla esaten da.
Giro-tenperaturan gas-egoeran dago eta diatomikoa, sukoia, usaingabea eta koloregabea da. Elementu arinena ([[masa atomiko]]a = 1.00794 g/mol) eta unibertsoko ugariena da. [[Izar]]rak hidrogenoz, plasma egoeran, osatuak daude, gehienbat. [[Lurra|Lurrean]] konposatu molekular askoren partaide da ([[ur]] eta konposatu organikoak, besteak beste) eta elementu kimiko gehienekin erreakzionatzeko gai da. [[Isotopo]] arruntena nukleoan [[protoi]] bat eta [[neutroi]]rik ez duena da. Beste bi isotopo ere aurki daitezke naturan, itsasoko uretan bereziki: [[deuterio]]a, [[neutroi]] bat duena, eta [[tritio]]a, bi [[neutroi]] dituena.
Laborategian [[azido]] eta [[metal]]en arteko erreakzioen bidez lortzen da eta industrialki [[gas natural]]etik lortzen da gehienbat, nahiz eta [[ur]]aren [[elektrolisi]]tik ere hartzen den. Hidrogenoa [[amoniako]]a ekoizteko, erretzeko edota pila elektrokimikoetan elektrizitatea sortzeko erabiltzen da, besteak beste.
Hidrogenoarekin [[Schrödingerren ekuazio]]a analitikoki ebatz daitekeenez, elementu honen [[orbital atomiko|orbital]] eta loturen azterketa eta analisiak garrantzi handia izan du [[mekanika kuantiko]]an.
