Ibaizabal: berrikuspenen arteko aldeak

Bilbotar gehienentzat, batez ere [[erdaldun]]ak direnentzat baina baita ere euskaldun askorentzat, itsasadarraren izena [[Nerbioi]] da. Hala ere, [[Euskaltzaindia]]k ez du zalantzarako betarik ematen: Ibaizabal da [[Abrako golkoa|AbraAbran]]n itsasoratzen den ibaiaren izen ofiziala.

Izatez, mendez mende herriak erabilitako izena, bai euskaraz bai erdaraz Ibaizabal izan zen XIX. mendearen amaiera arte. Besteak beste [[Miguel Unamuno]] eta Bilboko alkatea izan zen [[Javier Ybarra]] Ibaizabal deitzen zioten. Ikerketa batzuen ondorioz, egiaztatu zen [[Begoña]]ko udalerriko biztanleek betidanik Ibaizabal esan diotela Urbi ([[Basauri]]n) eta [[Abusu]] (Bilbon) arteko tarteari. Hortik aurrera, bilbotarrek [[itsasadar]]ra esaten zioten, besterik gabe. Abusu auzoaren izena bera ere, Ibaizabal izan zen garai batean. Jakina da Ibaizabal eta Nerbioi ibaiak Basaurin elkartzen direla, [[Urbi]] izeneko inguruan hain justu.

Euskaltzaindiak, arrazoi historikoez gain, [[geografia]]ri lotutakoak ere hartu ditu aintzakotzat Ibaizabal izena hobesteko. Horietako batek ibaien norabideari erreparatzen dio: Ibaizabalek lerro zuzena egiten du, gutxi gorabehera, Durangaldetik Abraraino; Nerbioik, aldiz, ez. Mapan begiratuta, Nerbioi Ibaizabalen sartzen dela dirudi. Bestetik, Ibaizabalen [[arro]]a, gutxigatik bada ere, luzeagoa da Nerbioirena baino, eta lehenbizikoaren ur-emaria ere handiagoa da.<ref>http://www.santurtzieus.com/irakasle/materialak/artikuluak/onomastika.htm#Sopeloztarrak%20sopelanatarrak%20baldin%20badira</ref>