[[Balkanak|Balkanetako]] botere nagusia izan zen [[1256]] arte, hainbat gudutan [[Bizantziar Inperioa]] menderatu ondoren. [[1205]]ean, Kalojanek [[Konstantinoplako Inperio Latindarra|Inperio Latindarra]] azpiratu zuen Adrianopolisko guduan. Haren iloba Ivan Asen II.ak [[Epiroko Despoterria]] hartu zuen mendean, eta erresuma [[Adriatiko]]tik [[Itsaso Beltza]]raino hedatu zen. [[XIII. mende]]aren amaieran, ordea, [[mongol]], bizantziar, [[magyar]] eta [[serbiar]]ren erasoek eta barneko matxinadek egoera ezegonkortu zuten. XIV. mendean, [[feudalismo]]a garatu zen eskualdean, eta enperadoreek boterea galdu zuten. Hori zela-eta, otomandar inbasioa hastekotan zegoela, hiru zatitan banaturik zegoen. [[1382]]an, [[Otomandar Inperioa]]k [[Sofia]] hartu zuen, eta [[1396]]rako Bulgaria osoa haien mende zegoen<ref name="brit2">{{erreferentzia |izenburua = Bulgaria: Ottoman rule |argitaletxea = britannica.com |url = https://www.britannica.com/place/Bulgaria/The-second-Bulgarian-empire#toc42728 |sartze-data = 2017-8-31}}</ref>.
