'''Azpiko arropa''' kanpoko [[jantzi]]en azpian janzten den arropa da, [[azal (anatomia)|larruazala]] ukitzen duena. Horien xedea kanpoko [[jantzi]]ak gorputzaren sekrezioetatik babestu (hala nola, [[gernu]], [[gorotz|kaka]], [[izerdi]], [[baginako lubrifikazio|baginako jario]] eta [[menstruazio|hileko jariotik]]), larruazalari goxotasuna eman, [[moda]]ri jarraitu, helburu erotiko batez edo arau erlijiosoren bat betetzeko janzten direnak. [[Gorputz-enbor]]ra estaltzen dute ([[elastiko]] edo kamisetak eta [[bularretako]]ak, esaterako); gerria inguratuz, [[ipurdi]]a eta [[ugaltze-aparatu|genitalak]] estaltzeko ere izaten dira ([[kulero]]ak, kasu); azkenik, oinak eta hankak ere estal ditzakete ([[galtzerdi]]ak, esaterako). [[Linjeria]] emakumeentzat egindako azpiko arropa bereziki apaindua da.
