Theo Adam: berrikuspenen arteko aldeak

'''Theo Adam''' ([[Dresden]], [[1926]]ko [[abuztuaren 1]]a - [[ibidem]], [[2019]]ko [[urtarrilaren 10]]a) [[alemaniar]] abeslaria, [[baxu elektriko|baxua]]. Bere jaioterriko elizako koruan hasi zituen musika-ikasketak, 10 urte zituela. [[Lehen Mundu Gerra]]ren ondoren [[Alemaniako Errepublika Demokratikoa]] izango zen partean gelditu zen, eta eskola-maisu gisa lan egiten zuen bitartean, [[Rudof Dittrich]]ekin jarraitu zuen kantua ikasten. Hogeita hiru urte besterik ez zituela kantatu zuen lehen aldiz bere hiriko opera-antzokian. Gero, [[Alemania|Alemania Federalean]], [[Hans Knappertsbuchek]] baritono heroikoen errepertorioari ekitea gomendatu zion, eta arrakasta handia izan zuen Wagnerren pertsonaiak interpretatuz, hala nola ''Parsifal''eko Amfortas, ''Nibelungoen Eraztuna'' laneko Wotan, edota ''Holandar alderraia'' obrako protagonista. ▼

[[1952]]. urtean hasi eta urtero parte hartu izan du Bayreutheko Wagnerren jaialdian; ospe handia hartu zuen Wagnerren interprete gisa. Arrakasta handia izan du baxu-bufo paperetan, eta baita [[XX. mendea|XX. mendeko]] operetan ere, Alban Bergen ''Wozzeck''en, Cehraren ''Baal''en eta Sutermeisteren ''Berenger Erregea''n, besteak beste. Bere errepertorioan ditu, gainera, Mozarten ''Don Giovanni''ko protagonista, Verdiren'' Don Carlo''ko Filipe II, Beethovenen ''Fidelio''ko Don Pizarro, Weberren ''Der Freischütz''eko Caspar, Schuberten opera urrietako batzuk, eta abar. [[1972]]. urtetik aurrera, interprete-jarduna gutxitu ahala, eszena-zuzendari moduan ere aritu izan da.▼