'''Albrecht Altdorfer''' ([[Ratisbona]] c. {{circa|[[1480]]}} - ''[[ibidem|ib.]]'' [[1538]]ko [[otsailaren 12]]a) [[alemaniar]] margolari, marrazkilari, grabatzaile eta arkitektoa izan zen, [[Albrecht Dürer|Dureroren]] dizipulua. Danubio edo Vienako Eskolako artista nabarmen honek zeregin ofizialak bete zituen Ratisbonan, hiriko arkitektoa ere izan zelarik. Pasarte-irudiak landu zituen lehenengoetako margolaria. Hala, parajea erabateko protagonista ageri da ''San Jurgi eta herensugea oihanean'' (1510) edo ''Alexandoren gudua'' (1529) bezalako koadroetan. Beste obra batzuetan garrantzi handiagoa eman zion arkitekturari, eta argi-efektuak landu zituen: ''Jaiotza'' (1520). Halaber, grabatuak ([[xilografia]] eta [[akuaforte]]ak) eta marrazkiak egin zituen. Pintura italiarretik zerbait badu ere, gehienbat gotiko berantiarra da berea, osagarri germaniarrak agerian dituena.
Altdorferren bizitzari eta obrari buruzko datu gutxi dago. Ratisbonan bizi izan zen, eta hango arkitekto izan zen 1526-1538 bitartean, nahiz eta ospea eman zioten jarduerak pintura eta grabatugintza izan ziren.
