'''Faila''' bat, [[geologia]]n, [[arroka]]tan sortzen den ezjarraitasun bat da. [[LurraLurre]]ko lehenengo 200 kilometrotan sortzen dira, eta harrien plastikotasunaren muga gainditzean gertatzen diren deformazio etenak dira. Hau da, arroka batek jasaten duen [[plaken tektonika|indar tektonikoa]] euren erresistentzia baino handiagoa denean agertzen diren apurdurak dira failak. Apurdura gainazal baten gainean egiten da ('''faila planua''' deitua) eta bere mugimendua plano honekiko paraleloa da beti.<ref>Haakon Fossen, ''Stuctural Geology'', 8.kapit., 8.1 atala: ''"A fault is any surface or narrow zone with visible shear displacement along the zone"''; ''"A fault is a discontinuity with wall-parallel displacement dominated by brittle deformation mechanisms"''. [[Cambridge]] University Press, 2010. ISBN 978-0-521-51664-8.</ref>
Hiztegi geologikoan, failak [[haustura]] mota berezi bat dira. Haustura bat eten gainazal bat da, gorputz batek barneko kohesioa galtzean sortzen dena, eta hiru mota ezberdin daude: [[arraildura]]k, [[diaklasa]]k eta failak.
