Guelfoak eta Gibelinoak: berrikuspenen arteko aldeak

'''Guelfoak eta Gibelinoak''' ([[italiera]]z ''guelfi y ghibellini'') [[Italia]] eta [[Alemania]]n [[Erdi Aroa]]ren bukaera aldean sortutako kontrako talde politiko batzuk izan ziren. Izen horiek erabiltzen ziren [[Aita santu|Aita Santuaren]] aldekoak (Guelfoak) eta Enperadorearen aldekoak (Gibelinoak) izendatzeko, aitasantutzaren eta [[Germaniako Erromatar Inperio Santua]]ren artean izan zen borroka luzean. Elkarren etsai ziren bi alemaniar familia ere izendatzen zituzten, Welf edo Guelph etxekoak eta Hohenstaufengoak. Alemanian etsaigoa [[Henrike IV.a Germaniako Erromatar Inperio Santukoa]]ren garaian hasi zen, eta ez zen bukatu Otto IV.a enperadore hautatu zuten arte. Italian [[XIII. mendea|XIII]]-[[XV. mendea|XV. mendeen]] artean izan ziren guduak; han nazio osora hedatu zen bi taldeen etsaigoa. Gibelinoak ziren Ezzelino da Romano eta Visconti familiak [[Milan]]en; Milan bera Guelfoa zen, eta baita, oro har, [[Florentzia]] eta [[Genova|Genoa]] ere. [[Cremona]], [[Pisa]] eta [[Arezzo]] nagusiki Gibelinoak ziren. [[Venezia]] neutrala izan zen.