[[Fitxategi:Virgen Pura Dolorosa de Umbe.jpg|thumb|Unbeko Ama Birjinaren irudia]]
'''Unbeko Ama Birjina''' (edo '''Unbeko Ama Birjin Garbi Mingarria''') [[Laukiz]] udalerriko ([[Bizkaia]]) udalerriko [[Unbe]] mendian dagoen izen bereko santutegian agertu ei zen [[Andre Maria]]ren deitura da. Unbeko Ama [[1941]] eta [[1988]] artean hainbat aldiz agertu omen zitzaion [[Felisa Sistiaga]] plentziar iragarleari. Agerkunde horien sinestunek diotenez, Ama Birjinaren aginduz altxatu zen kapera Unben. Ordutik aurrera hamaikatxo lagun joaten dira Unbera euren minak sendatzeko mirari bila. [[Irail]]eko lehenengo [[zapatu]]a izanda Ama Birjinaren egunik garrantzitsuena, autobus eta beribil ugari joaten dira egun horretan. Antza denez, bertoko putzuko ura, edangarria izan barik, miraritsua da. Ama Birjinaren kaperan ustezko sendatuen makina bat opagai dago.
