Koreako Gerra: berrikuspenen arteko aldeak

}}

'''Koreako Gerra''' (Hego Korean [[hangul]]: 한국전쟁; [[hanja]]: 韓國戰爭; ''Hanguk Jeonjaeng'', "Koreako Gerra"; Ipar Korean [[chosongul]]: 조국해방전쟁; [[hanja]]: 祖國解放戰爭; ''Choguk haebang chǒnjaeng'', "Aberriaren Askapenerako Gerra") [[Ipar Korea]] eta [[Hego Korea]]ren arteko gatazka armatua izan zen, [[1950]]eko [[uztailaren 25]]ean hasi [[1953]]ko [[uztailaren 27]]an amaitu zena. Ipar Koreak [[Sobietar Errepublika Sozialisten Batasuna|Sobietar Batasunaren]] eta [[Txina]]ren laguntza militarra izan zuen, eta Hego Koreak [[Australia]], [[Kanada]], [[Erresuma Batua]] eta [[Ameriketako Estatu Batuak|Estatu Batuena]]. Hori dela eta, Estatu Batuen eta Sobietar Batasunaren arteko guda ez ofizialtzat har daiteke.

 

[[Gerra Hotza]]ren une txarreneko tentsio egoera bizi-bizian gertaturiko gatazka honek agerian jarri zuen edozein tokitako borrokak mundu mailako gerra batera eraman zezakeela. Baina, aldi berean, garbi erakutsi zuen, [[Ekialde Urrun]]ean ere, Estatu Batuak guztiz deliberaturik zeudela txinatarren eta sobietarren hedapena galaraztera. Europan “altzairuzko oihal” batek komunistak eta kapitalistak banatzen bazituen, “banbuzko hesi” batek bereizten zituen Asia aldean; Europan bi Alemania baziren, Ekialde Urrunean bi Txina, bi Korea eta bi Vietnam izango ziren aurki.

 

== Gerraren bilakaera ==

[[1950]]eko ekainaren 25ean, Ipar Koreako gudarosteak, sobietarrek trebatua eta hornitua, 38. paraleloa zeharkatu eta Hego Korea inbaditu zuen. [[Nazio Batuen Segurtasun Kontseilua]]k –errusiarren ordezkaritza bertan ez zegoela, Txinako Herri Errepublika onar zezaten presioa egitearren– iparkorearren erasoa kondenatu zuen eta gudaroste multinazionala –funtsean amerikarrek osatua– bidaltzea erabaki zuen Rheeren gobernuari laguntza ekartzeko.