Lauren Foster: berrikuspenen arteko aldeak
Orri berria: «'''Lauren Foster''' (Hego Afrika, 1957ko abenduaren 4a) hegoafrikar emakumezko modelo transgeneroa da. ==Bizitza== Hego Afrikan jaio zen eta gizon hazi zuten. Lau ur...» |
(Ez dago alderik)
|
14:25, 14 apirila 2018ko berrikusketa
Lauren Foster (Hego Afrika, 1957ko abenduaren 4a) hegoafrikar emakumezko modelo transgeneroa da.
Bizitza
Hego Afrikan jaio zen eta gizon hazi zuten. Lau urterekin jada bazekien bere sexu-nortasunak ez zetorrela bat bere generoarekin eta Klinefelter sindromea diagnostikatu zioten.[1] 1974an gizonezko izena erabiltzeari utzi zion eta Lauren Shipton emakumezko izena hartu zuen beretzat.
17 urte zituenean, bere familiaren eta lagunen babesarekin, trantsizioa egiteari ekin zion hormona-terapiarekin hasiz.[1] 18 urterekin Derk Crichton hegoafrikar doktoreak sexua berresleitzeko ebakuntza egin zion. Ebakuntzatik osatu ondoren, modelo hasi zen Johanesburgen.[2]
1979tik 1988ra ospe handiko modeloa izan zen, hainbat egunkari, aldizkari eta iragarkitan azalduz. 1980an Vogue aldizkariaren Mexikoko edizioan 6 orrialdeko moda erreportaje batean agertu zen.[2] Tabloide bateko kazetari batek berarekin harremanetan jarri zen bere iraganeko historiari buruzko xehetasunak bazekizkiela eta hauek argitaratuko zituela mehatxu eginez.[2] Ondorioz, Fosterrek elkarrizketa eman zuen horrek gauzak baretuko zituztelakoan, baina munduko hainbat tabloidek bere historia argitaratu zuten gizon jaio zela idatziz.[2] Horrek ondorioak izan zituen bere modelo-ibilbidean, lan-eskaintzak jaitsi baitzitzaizkion.[2]
Gaur egun Miamin bizi da eta LGBTQ kolektiboaren eskubideen aldeko ekintzan dihardu.[1]
Filmografia
| Urtea | Izenburua | Rola | Oharrak |
|---|---|---|---|
| 2001 | Circuit | Ateko neska | Kameoa |
Erreferentziak
- ↑ a b c (Ingelesez) Swanson, Jess. (2016ko azaroaren 15a). «Transgender Supermodel Lauren Foster Fights for LGBTQ Rights in Miami» Miami New Times (Noiz kontsultatua: 2018ko apirilaren 14a).
- ↑ a b c d e (Ingelesez) «Lauren Foster, Transgender Model, And Alex Davis, Transgender Musician, Discuss Trans Issues» HuffPost 2018ko apirilaren 14a (Noiz kontsultatua: 2012ko uztailaren 12a).
Datuak: Q51845809
