Marian Arregi: berrikuspenen arteko aldeak

== Ibilbidea ==

Maria Angeles Arregi Sarasola Donostian jaio zen, 1944an.<ref name=":0" /><ref name=":1">{{Cite news|url=https://dantzan.eus/albisteak/marian-arregi-hil-da|abizena=|izena=|izenburua=Marian Arregi hil da, musika dantzan jarri duen dantzari musikaria|data=2018-03-06|egunkaria=dantzan.eus|formatoa=|hizkuntza=|sartze-data=2018-03-06}}</ref> Gaztetan Goizaldi dantza-taldean aritu zen, eta nagusiki dantza soltean nabarmendu zen, hainbat sari irabazita.<ref name=":1" /> Akordeoia jotzen ere gaztetan ikasi zuen, eta 16 urterekin Trio Kemen musika taldea osatu zuen, Marian Murgiondo eta Encarna Uriarterekin.<ref name=":1" />

 

1960ko hamarkadan, Arregi eta Urbeltz herriz herri ibili ziren, euskal dantzari eta musikari buruzko informazioa biltzen.1965ean [[Argia Dantza Taldea|Argia dantza-taldearen]] zuzendaritza hartu zuten;<ref name=":0" /><ref name=":1" /> Arregi musikaren arduraduna zen, eta Urbeltz, berriz, dantzarena eta sorkuntzarena. Harrezkeroztik, euskal sinbologiarekin zerikusia duten hainbat ikuskizun egin zituzten elkarrekin.<ref name=":0" /> Horien artean daude, besteak beste, ''Zortziko'', ''Alakiketan'', ''Kondharian'', ''Pas de Basque'', ''Axeri Boda'' eta ''Axuri Beltza.''<ref name=":2">{{Cite news|url=https://www.berria.eus/paperekoa/2265/036/002/2018-03-06/herri_kulturaren_sustatzailea.htm|abizena=Lizarralde|izena=Mikel|izenburua=Herri kulturaren sustatzailea|data=2018-03-06|egunkaria=Berria|formatoa=|hizkuntza=|sartze-data=2018-03-06}}</ref> Benito Lertxundirekin ere aritu zen garai batean akordeoia jotzen, eta haren hainbat diskotan parte hartu zuen.<ref name=":2" />

 

Arregik eta Urbeltzek egindako azken lana ''Martin Zalakain'' izan zen, narrazio dramatikoa duen dantza-ikuskizuna. Obra hori Argia dantza-taldearen eta Artedrama Arte Eszenikoen Plataformaren arteko elkarlanaren fruitua izan zen, eta gidoia [[Harkaitz Cano|Harkaitz Canok]] idatzi zuen, [[Pío Baroja|Pio Barojaren]] ''[[Zalakain abenturazalea]]'' obra gogoan hartuta. Marian Arregi eta Mikel Urbeltz arduratu ziren musika-konposizio eta konponketa guztiak egiteaz.<ref>{{Cite web|url=http://www.argia.eus/albistea/martin-zalakain-ikuskizuna-estreinatuko-dute-argiak-eta-artedramak-azaroan|izenburua='Martin Zalakain' ikuskizuna estreinatuko dute Argiak eta Artedramak azaroan|sartze-data=2018-03-05|aldizkaria=Argia}}</ref>

 

== Sariak ==

* 2015ean, Gipuzkoako Foru Aldundiak banatzen duen [[Gipuzkoako Urrezko Domina]] eman zieten Arregiri eta Urbeltzi.<ref name=":0" />

* 2017ko abenduan, Txondorra saria jaso zuten Marian Arregik eta Juan Antonio Urbeltzek. Sari hori Olentzeroren Adiskideak Elkarteak banatzen du, Iruñeko Udalarekin eta Nafarroako Gobernuarekin elkarlanean, eta kultura herrikoiari eskainitako lana aintzatestea du helburu.<ref>{{Cite news|url=https://euskalerriairratia.eus/nafarroa/1514272040653-marian-arregik-eta-juan-antonio-urbeltzek-jaso-du-txondorra-saria|izenburua=Marian Arregik eta Juan Antonio Urbeltzek jaso du Txondorra saria|data=2017-12-26|egunkaria=Euskalerria Irratia|sartze-data=2018-03-05}}</ref>

 

== Kanpo loturak ==