Errepublika Arabiarren Federazioa

Errepublika Arabiarren Federazioa (arabieraz: اتحاد الجمهوريات العربية‎ Ittiḥād al-Jumhūrīyāt al-‘Arabīyah) 1972. urtean Egipto, Libia eta Siriako estatuek osatu zuten federazioa izan zen.

Errepublika Arabiarren Federazioaren lurraldea.

Errepublika Arabiarren Federazioaren bandera.

Historia

1969. urtean, hiru estatu horiek eta Sudango errepublikak arabiar guztien batasunerako hitzarmen bat izenpetu zuten Tripolin, eta Errepublika Arabiarren Federazioa izan zen lehen urratsa. Erreferendum bana egin zuten Egipton, Libian eta Sirian eta haren ondorioz onartu zuten federazioa (1971ko iraila).

Sadat egiptoarra izan zen hasierako lehendakaria eta gobernu eta legebiltzar federalak osatu ziren. 1973ko irailean, estatu bakar bat osatzea erabaki zuten Egiptok eta Libiak, baina arabiarren eta israeldarren arteko laugarren gerraren ondoren (1973ko abendua) harremanak hoztu ziren.

Sei urte geroago Egiptok eta Israelek izenpetu zuten hitzarmenaren ondoren (Camp Davideko hitzarmenak, 1979), Libiaren eta Egiptoren arteko harremanak erabat eten ziren eta ahalegin hutsean geratu zen arabiar guztien arteko federaziorako asmoa.