Mokozabal saldoak abuztuan hasten dira agertzen euskal hezeguneetan, eta urrira arte igaro ohi dira. Gehienak talde txikietan igarotzen dira, baita bakarka ere asko, baina ehun hegaztitik gorako saldoak ere ikusi izan dira. Adibidez, Txingudin bost talde ikusi ziren ehundik gorakoak 2010ean.
Egonaldia laburra egiten dute hezeguneetan, egun bakarrekoa edo ordu batzuetakoa, baina batzuetan luzeago geratzen diraː Urdaibain 2014an2012an lur hartutako 500 hegaztien artean, 49k sei egun baino gehiago igaro zuten bertan.<ref>{{Cite web|url=http://www.euskadi.eus/eusko-jaurlaritza//contenidos/documentacion/espatula/eu_13604/index.shtml|izenburua=Mokozabalaren (Platalea leucorodia) eztei ondoko migrazioa Urdaibain|sartze-data=2018.02.10|egunkaria=Eusko Jaurlaritza|aldizkaria=Ingurumena.net / Urdaibai Biosfera Erreserba|abizena=Rafael|izena=Garaita|egile-lotura=|data=2012|hizkuntza=eu|formatua=}}</ref> Kalkulatu izan da Herbehereetako kolonietako hegaztien %20 inguru igarotzen dela Txinguditik, eta %10 inguru Urdaibaitik. Euskal Herriko ikuskatzeak egonkor daude edo hazten ari da 21. mendean, espeziea indartsu ageri den seinale, baina beste eskualde batzuetako hezeguneetan arazo gehiago izan ditzakete.
