Bigarren Mundu Gerra: berrikuspenen arteko aldeak

[[Europa]]n gerra [[1939]]ko [[irailaren 1]]ean hasi zen, [[Alemania]]k [[Polonia]]ri eraso egitean. [[Adolf Hitler|Hitlerren]] asmoak [[Gdańsk|Danzig]] hiri askea (non alemaniarrak eta poloniarrak bizi ziren) menderatzea eta hiri hau Alemaniarekin lotzeko korridorea lortzea izan ziren. Nazioarteko komunitatearen aurrean, mugan aldez aurretik prestatutako gatazka erabili zuen. [[Irailaren 3]]an, [[Erresuma Batua]]k zein [[Frantzia]]k gerra deklaratu zioten Alemaniari. Erresuma Batuak itsas blokeoa ezarri arren, ez [[Londres]]ek ez [[Paris]]ek [[Txantxa-gerra|ez zuten Alemania inbaditzeko gogo sendorik erakutsi]].<ref name="Whyte-2011">{{erreferentzia |izena1=Bert |abizena1= Whyte |izena2=Larry |abizena2= Hannant |izenburua=Champagne and Meatballs: Adventures of a Canadian Communist |url=https://books.google.com/books?id=yA35ykdrwesC&pg=PA17 |urtea=2011 |argitaletxea=Athabasca University Press |lekua=Edmonton |isbn=978-1-926836-08-9 |orrialdea=17 |oclc=691744583}}</ref> Frantzia, motel mugituta, [[Sarre]]n burutu zuen eraso txiki bat. Poloniari laguntzeko troparik ez zuten igorri.

Bitartean, Polonian, armada alemaniarrak ''[[Blitzkrieg]]'' edo Tximista Gerra burutu zuen. Estrategia militar horretan, hegazkineriak gogor bonbardatu ondoren, lurreko armadak, batez ere [[tanke|gerra-gurdiek]], ustekabean egiten du eraso. Alemaniarrek hiri eta gune estrategikoak hartuta, armada poloniarrak, lurraldean sakabanatuta eta elkarrekin bat egin gabe, pixkanaka pixkanaka amore eman zuen. [[Varsovia]] [[irailaren 27]]an erori zen, eta azken tropa poloniarrak [[urriaren 6]]an errenditu ziren.