'''Narratiba''' [[literatura]]z edo [[ikus-entzunezko komunikazio]]a erabiliz gertaerak kontatzen dituen [[genero artistiko]]a da. Narratiba lan bati '''narrazio''' deritzo. Gertaerak [[errealErrealitate|errealak]]ak ([[kronika (argipena)|kronika]], esaterako) zein [[fikzio]]zkoak ([[eleberri]]a, esaterako) izan daitezke eta lanaren [[argumentu]]a osatzen dute, gehienetan [[pertsonaia (argipena)|pertsonaia]] batzuk tartean. [[Kontatzaile|Narratzailea]] gertaerak kontatu egiten dituena da eta hirugarren pertsonatik (maiz narratzaile orojakile baten ikuspuntutik, gertaera guztien berri zehatza duena: ''Bere etxera sartu zen. Bertan bizi zen neska ez zen konturatu eta lo jarraitu zuen''.), lehenengo pertsonatik ([[kontatzaile|narratzailea]] bera [[protagonista]] edo pertsonaia denean: ''Bere etxera sartu nintzen''.) nahiz gutxitan gertatzen den bigarren pertsonatik (bigarren pertsona bati zuzenean kontatzen zaionean: ''Lo zinen bitartean, ez zinen konturatu zure etxera sartu zela'').
Narrazioan estilo zuzena eta zeharkakoa ere bereizten dira: estilo zuzenean narratzaileak pertsonaien esanak hitzez hitz aipatzen ditu: ''"Alde hemendik!" - ihardetsi zion.''. Zeharkako estiloan, berriz, pertsonaien esanak kontatu egiten dira (''Alde egiteko esan zion''). Beste estilo mota bat [[monologo]]a da.
