Angélique Kidjo: berrikuspenen arteko aldeak

'''Angélique Kpasseloko Hinto Hounsinou Kandjo Manta Zogbin Kidjo'', '''Angélique Kidjo''' izenaz ezaguna, ([[Ouidah]], [[1960]]ko [[uztailaren 14]]a) [[benin]]dar abeslaria da. Arrakasta handia lortu du nazioartean. Txikitatik izan du antzerki- eta folklore-mundua ezagutzeko aukera, gurasoek horretan lan egin zutelako. Gazterik hasi zen etxekoekin Mendebaldeko abesti famatuak Beningo moduetara moldatzen, eta [[fon]] hizkuntzan kantatzen. Hogeita hiru urte zituela, [[Paris]]a alde egin behar izan zuen Beningo gertakari politikoen ondorioz. [[Jazz musika]] ikasi zuen Parisen, eta [[Jasper Vant Hoof]] holandar pianista ezagutu zuen han. Pianista horrek Pili Pili musika-taldean parte hartzeko gonbita egin zion. Talde horrekin, ''Hoomba Hoomba'' (1985) diskoa grabatu zuen, eta baita beste hauek ere: ''Jakko'' (1987), ''Mama Rosa'' (1988) eta ''Hotel Babo'' (1990). Bere izenpean grabatu duen lehen diskoa ''Pretty'' (1988) izan da. Disko horretako ''Ninive'' kantak arrakasta handia izan du Erdialdeko Afrikan. Beste disko batzuk dira: ''Parakou'' (1989), ''Logozo'' (1991), ''Ayé'' (1994), ''Fifa'' (1996) eta ''Oremi'' (1998).