[[Fitxategi:Carl von Bergen Mädchen mit Teller.jpg|thumb|'''Zoriona''' begitartean islatzen den emozioa izaten da. Irudian, [[haur]] '''zoriontsu''' bat irudikatzen duen margolana.]]
'''Zoriona edo''' edo '''zoriontasuna''' [[pertsona (argipena)|pertsona]] batek bere barnean sentitzen duen poz, alaitasun, gozamen, lasaitasun eta [[maitasun]]-egoera da, sufrimendu eta asaldurarik gabea eta pertsonari betetasuna ematen diona. Zoriona sentitzen duten pertsonak '''zoriontsu'''zoriontsu direla esaten da. Definizio orokor horretaz haraindi, zorionaren kontzeptua zehaztu eta zoriona lortzeko bideak azaltzerakoan interpretazio ezberdinak eman dira [[erlijio]], [[filosofia]] eta [[zientzia]]ren aldetik. Horrela, berehalako plazer eta gozamenetik datorren zoriona eta pertsonaren barrutik datorren zoriona bereizi izan dira. Nolanahi ere, giza eta gizarte-harremanak, osasuna, ekonomia-eskasiarik eza, pertsonaren ingurumena eta barne-asetasuna, besteak beste, aipatu dira zorion-iturri moduan.'''
