'''Patxi Iturriotz Herrero''', Herrero ([[Donostia]], [[1937]]ko [[apirilaren 21]]a - Donostia, [[2002]]ko [[apirilaren 21]]a), [[politika]]ri, [[irakasle]] eta [[ETA]]kide ezagun bat izan zen. Lehenengo [[EGI]]n eta gero ETAn sartu zen. 1961ean atzerriratu egin zen eta ETAko Langile-Frontearen ardura hartzera itzuli zen Bizkaira 1963an baina urte berean atxilotu egin zuten. 1966an ETAn izandako barne-eztabaida eta zatiketaren ondorioz, [[PCE|komunistengana]] hurbildu eta [[ETA-Berri]] sortu zuen, gero [[Euskadiko Mugimendu Komunista]] (EMK) izango zena. 1968-1976 bitartean [[Alemania]]n egon zen eta itzulitakoan politika-munduan sartu zen erabat. 1977ko hauteskundeetan Gipuzkoako [[Euskadiko Ezkerra]]ko zerrendako hautagaia izan eta bigarren geratu zen. [[Francisco Letamendia]], Ortzi, dimititu eta ondoren [[Espainiako Diputatuen Kongresua|Espainiako Diputatuen Kongresuko]] diputatu izan zen (1978-1979). [[PSE-EE]] sortu zenean, alderdi honetara pasatu zen, [[Mario Onaindia]]k egin zuen antzera.
