Idatzietan, Jordanek bisexual gisa identifikatzen du bere burua.<ref>June Jordan, "On Bisexuality and Cultural Pluralism", in ''Affirmative Acts'' (1998), pp. 132, 138.</ref>
== Teoria feministari egindako ekarpenak ==
=== "Txostena Bahametatik" ===
1982ko "Txostena Bahametatik" saiakera klasiko pertsonalean, Jordanek Bahametan bizi izandako bidaia-esperientziei, interakzioei eta elkartzeei buruzko hausnarketa egiten du. Arraza, klasea eta genero-identitatea oinarri hartuta koalizioak eta autoidentifikazioak dauzkan aukera eta zailtasunak aztertzen ditu. Lehenengoz argitaratu zenean (1982) ez zen askorik zabaldu, baina, denborarekin, saiakera sakon honek izena lortu du Emakumeen eta Generoaren Ikasketetako, soziologiako eta antropologiako klaseetan. Jordanek arrazari, klaseari eta genero-identitateari buruzko hainbat gai azaleratzen ditu, bai eta termino garrantzitsuak proposatu ere.
==== Pribilegioa ====
Arrazari, klaseari eta genero-identitateari buruzko gaiak aztertzen dituenean, Jordanek 'pribilegio' terminoa edo ideia azpimarratzen du behin eta berriro bere lan gehientsuetan, baita poema eta saiakeretan ere. Uko egiten dio beste zapaltzaileen antzekoak baino beste pertsona jakin batzuen antz handiagoa daukaten zapaltzaileei pribilegioak emateari. Ez litzateke pribilegioetan pentsatu behar, zapalketa eta zapaltzaile orori ikuspuntu beretik begiratu behar litzaiekeelako.
