Aitor Zubieta: berrikuspenen arteko aldeak

'''Aitor Zubieta Albarracin''', [[pilota]] arloan '''Zubieta''' deituraz ezaguna ([[Etxarri Aranatz]], [[Nafarroa Garaia]], [[1984]]ko [[martxoaren 29]]a) [[esku-huskako pilota|esku huskako pilotari]] profesional ohia da. Atzelaria aritzen zen, [[Aspe (enpresa)|Aspe]] enpresarekin. Lehendabiziko partida [[2004]]ko [[urtarrilaren 30]]ean jokatu zuen, [[Iruñea|Iruñeko]] [[Labrit pilotalekua]]n. Binakako lehiaketetan nabarmendu zen batez ere, eta [[Esku Huskako Binakako Pilota Txapelketa Nagusia|txapelketa nagusian]] behin izan da txapeldun (2010ean, [[Yves Salaberri|Xala]] aurrelaria lagun), eta beste behin txapeldunorde (2015ean, [[Pablo Berasaluze|Berasaluze II.a]] aurrelaria lagun).

Bere pilotari ibilbide profesionalean hainbat arazo fisiko izan zituen, eta bost ebakuntza egin behar izan zizkioten ([[belaun]] bakoitzean bi, eta ezkerreko [[orpazurda]]n beste bat). 2015eko irailaren 16an eskuineko belauna berriz hondatu zitzaion; lesio hori sendatzea ezinezkoa izango zitzaiola ikusita, erretiroa hartu zuela iragarri zuen 2017ko ekainaren 14an.<ref>{{Erreferentzia|izenburua=Zubieta: “Me voy con la conciencia tranquila” | egunkaria=Deia | hizkuntza=es|url=http://www.deia.com/2017/06/15/deportes/pelota/me-voy-con-la-conciencia-tranquila | data=2017-06-15 | sartze-data=2017-06-23}}</ref>