{{Nihongo|'''Aikido'''|合気道|Aikidō|lead=yes|extra= {{IPA|a.i.ki.doː||}} ahoskatua}}nork bere burua [[arma]]rik gabe defendatzen erakusten duen borroka-artea da; [[Morihei Ueshiba]] (1883-1969) maisuak sortu zuen, eta Japoniako [[borroka-arte]] tradizionalen sintesia da. [[Japoniera]]z izenak erakusten duen bezala (''ai ''= bat egitea; ''ki ''= kemena, energia, indarra; ''dodō ''= bidea), gorputzaren eta pentsamenduaren indarrak ekintza berean harmoniaz bat egitea du helburua. Beste borroka-arteetan ez bezala, borroka-teknikaren helburua ez da arerioa menderatzea, haren bortxazko erasoa desegin, erasoa desbideratu eta haren borondatea irabaztea baizik. Aikidoaren teknika gehienak [[ezpata]], [[makila]], [[aizto]] eta [[lantza]]zko borrokatik eratorriak dira.
