Alexandro Handia: berrikuspenen arteko aldeak

== Bizitza ==

Alexandro Handia [[Pella]]n jaio zen, [[Mazedonia (antzinako erresuma)|Mazedoniako]] hiriburuan, [[K. a. 356]]an. Mazedoniako errege [[Filipo II.a Mazedoniakoa|Filipo II.a]] eta Olinpia izan zituen gurasoak. [[Aristoteles]]en ikasle izan zen. Aginpide ardurak gazterik hartu zituelarik, [[Keroneako gudua]]n nabarmendu eta errege izendatu zuten [[K. a. 336]]an, hogei urte zituela. Korintoko batzarrean heleniar konfederazioko buru izendatu izendatu zuten, eta izendapen hura onartu ez eta matxinatu ziren greziar hiriei eraso zien. [[Tebas (Grezia)|Tebas]] suntsitu zuen, eta [[Atenas]] mendean hartu.

[[Antzinako Grezia|Greziaren]] jabe, Asiaren konkista prestatu zuen, jeneral guztiz trebez inguraturik. Erresuma [[Antipatros]]en manupean utzi ondoan, gudaroste indartsu batez lagundurik [[Helesponto]] igaro eta [[Troas]] hirian lehorreratu zen. [[Dario III.a Kodomano|Dario III.a]] [[Akemenestar Inperioa|persiarraren]] armadari nagusitu ondoan (Graniko, [[K. a. 334]]), [[Asia Txiki]]ko kostaldeko hiri guztiak hartu zituen. [[Gordion]]en egonaldi bat egin zuen, eta tenpluko korapiloa laxatu zuen, Asiako inperioa ziurtatu zion ekintza, eta [[Tarsos]]en gaixotu zen, Kydnos ibaian bainatu ondoren. Horren ostean berriro menderatu zituen persiarrak, [[Issosko gudua]]n, [[K. a. 333]], eta hartu zituen [[Siria]], [[Fenizia]] eta [[Tiro]] ([[K. a. 332]]).