[[Fitxategi:Ragnar Lodbroks död by Hugo Hamilton.jpg|thumb|alt=|Ragnar Lodbrok sugez beteriko hobian, Hugo Hamilton artistaren arabera]]
'''Ragnar Lodbrok''' ({{lang-non|Ragnarr Loðbrók}}) [[IX. mendea|IX. mendeko]] [[Danimarka]]ko errege [[bikingo]]a izan zen. Heroi bikingo nagusietako bat izan zen Ipar Europako Erdi Aroko literaturan, baina gutxi dira oso hari buruz ezagutzen diren egiazko datuak. [[InperioKarolingiar KarolingioaInperioa|Hegoaldeko Erromako Inperio Santuaren]] aurka borrokatu zen, eta batzuen arabera, bikingoek Frantziaren aurka eginiko erasoa gidatu zuen 845. urtean. Bikingo edo normandiar horiek berak bide ziren 844. urtetik aurrera [[Lapurdi]]ko eta [[Gipuzkoa]]ko kostaldean barrena egungo Euskal Herrian sartu zirenak, eta Iberiar Penintsulan gaurko [[Portugal]]go kostaldetik barneratu zirenak [[arabiar]]ren aurka borrokatzeko. Kroniken arabera, [[Northumbria]]ko erregeak Ragnar atxilotu, eta [[suge]]z beteriko hobi batera egotzi zuen, hil zedin. [[Ragnarsdrapa|Ragnarren elezaharra]] guztiz zabaldu zen Eskandinavian, Danimarkan eta Islandian, bereziki, eta [[saxoi]]ar herrietan, eta oihartzun handia utzi zuen antzinako [[teutoi]]en elezaharretan; tradizio batzuen arabera, Ragnarrekiko lotura zuzena izan zuten [[Sigfrido]] eta [[Brunilda]] heroi germaniarrek.
