|
Arantzazutik aterata kultura munduan murgildu zen, Irrintzi kultur taldea sortuz, Oleskariak [[otxote]]arekin eta Naya [[orkestra]]rekin. Garai hartan [[Ez Dok Amairu]]rekin harremanetan egon zen.<ref name="Gara" /> "Ametsik indartsuenetako bat herriko beharrei erantzutea zen. Olentzero zela, antzerkiak zirela... Musikaz arduratuko zen norbait behar izaten zen beti. Lan haietan jarduten genuen kuadrillan; batzuek antzerkilari, besteak dantzan, eta ni musikan"<ref name="Hitza">{{erreferentzia|url=http://zarauzkohitza.eus/zarautz/1475089848866|argitaletxea=[[Zarauzko Hitza]]|izenburua=Sinistu zuen, sinistu...|data=2016ko irailaren 29a}}</ref> 1959an Zarauzko Modelo aretoan haur kantarien lehen agerpena antolatu zuen.<ref name="Hitza" />
[[1960ko hamarkada]]n Aurrezki Kutxan lanean hasi zen,<ref name="berria2013">{{erreferentzia|url=http://www.berria.eus/paperekoa/1483/038/001/2013-03-17/ikasleak_sormen_iturri.htm|izenburua=Ikasleak, sormen iturri|argitaletxea=Berria|abizena=Agirre|izena=Ilargi|data=2013-03-17}}</ref>, baina [[1970]]ean [[Erroma]]ra joan zen ikasketak egitera eta bueltan Zarauzko [[ikastola]]n hasi zen lanean, irakasle eta zuzendari,<ref name="Hitza" />, kaleratu zuten arte.<ref name="Gara" />. Zarauzko ikastolan ezagutu zuen bere emazte izango zen [[Kontxi Aizarna]].<ref name="kontxi">{{erreferentzia|url=http://www.berria.eus/paperekoa/1921/054/001/2015-11-01/onenak_ginen_onak_ote_ginen_jakin_gabe.htm|izenburua=«Onenak ginen, onak ote ginen jakin gabe»|data=2015-11-01|abizena=Lartzaguren|izena=Edu|argitaletxea=Berria}}</ref> Garai horietan ere Zarauzko Antoniano eta La Sallen izan zen irakasle.<ref name="Hitza" /> [[1964]] eta [[1978]] urte artean, [[Joxe Antonio Azpeitia]]rekin batera [[Euskaltzaleak]] taldearen partaidetako bat izan zen. Elkarte haren helburua zen haurrak [[euskara]] erabiltzera bultzatzea. [[Zarautz|Zarauzko]] haurren Euskal Jaiak ere bultzatu zituzten.
Zarauzko ikastolan aritu ostean musika eskola ireki zuen. Donostiako Elizbarrutiko Maisutza Eskolan aritu zen, irakasleei irakasten, eta [[Martutene]]ko ikastolan ostean.<ref name="berria2013" />. Garai hartan 500 bat ikasle izatera iritsi zen.<ref name="berria">{{erreferentzia|url=http://www.berria.eus/albisteak/127201/imanol_urbieta_musikari_eta_irakaslea_hil_da.htm|izenburua=Imanol Urbieta musikari eta irakaslea hil da, 83 urte zituela|argitaletxea=Berria|data=2016-09-29}}</ref> [[1967]]an bere lehen diskoa grabatu zuen, [[Bartzelona]]n, ''Haur kantariak'' izenekoa,<ref name="berria2013" />, euskaraz umeentzako abestiekin egindako lehen diska.<ref name="Hitza" />. ''[[Haur Kantarien Birlorak]]'' izeneko lau disko egin zituen ikastolako haurrekin, [[Anjel Lertxundi]], [[Joxantonio Ormazabal|Joxe Antonio Ormazabal]] eta [[Juan Martin Elexpuru]]rekin lankidetzan.<ref name="Hitza" /> [[1979]]an ''[[Xirula Mirula]]'', musika eskolarekin batera. Xirula Mirula izeneko musika eskola Gipuzkoako lehena ere izan zen. Lehena Zarautzen sortu zuen, eta ondoren Donostia eta Hernanin ere ireki zituen. Bertan lankide izan zituen [[Ander Alberdi]], [[Migel Angel Agote]], [[Jose Inazio Elias]], [[Kontxi Aizarna]] eta [[Josu Txapartegi|Josu Txapartegi ''Txapas'']].<ref name="Hitza" /> Bertan, musikak heziketan zuen garrantziaz konturatuta, [[1980ko hamarkada]]n ikasmateriala ekoiztu zuen, tartean ''[[Xixupika]]'', ''[[Txalopin txalo]]'' eta ''[[Lau katu eta danbor bat]]'' liburuak.<ref name="berria2013" /><ref name="Hitza" />
Kultura munduan murgilduta, Sanpelaio jaietako haur [[danborrada]]n, bere piezak jotzen dituzte haurrek gaur egun ere. [[Euskal Jaiak]] antolatzen eta bultzatzen lagundu zuen ere garai hartan, eta [[amnistia]]ren aldeko mugimenduarentzat ''[[Kalera, kalera]]'' abestia sortu zuen [[Josu Txapartegi]]rekin batera.
== Lanak ==
Guztira 60 bat lan argitaratu ditu Imanol Urbietak.<ref name="berria2013" /> Imanol Urbietak. Hauek dira horietako batzuk.
=== Abesti ospetsuak ===
* ''[[Bakarrik eta Libre]]''
|
