Nicolás Ollo: berrikuspenen arteko aldeak

'''Nicolás Ollo Bidaurreta''' ([[Ibero]], [[Oltza zendea|Oltza]], [[1816]]ko [[abenduaren 6]]a - [[Trapagaran]], [[1874]]ko [[martxoaren 29]]a) nafar [[jeneral]] [[karlismo|karlista]] izan zen. [[Lehen Karlistaldia]]n parte hartu zuen, eta birritan zauritu zuten, [[Lutxanako gudua|Lutxanan]] eta [[Erreniega]] mendian. [[Joaquín Elio|Elio Ezpeletaren]] agindupean jarri zen, 1839. urtean, eta bat etorri zen [[Bergarako besarkada|Bergarako Besarkadarekin]]. [[Leopoldo O'Donnell|O'Donnell]] militarrak antolatu zuen Iruñeko matxinadan parte hartu zuen, [[1841]]. urtean, baina [[Frantzia]]ra erbesteratu behar izan zuen. [[1854]]. urtean, kapitain izendatu zuten, eta komandante bi urte geroago. [[Afrika]]n borrokatu ondoren, teniente koronel izendatu zuten. [[Seiurteko demokratikoa|1868. urteko iraultzaren]] ondoren, karlismoari eutsi zion berriro ere, eta Nafarroako Matxinada antolatzeko ardura izan zuen; baina [[Orokietako gudua]] galduta, Frantziara ihes egin behar izan zuen, berriro ere. Nafarroako komandante nagusi zela, 10.000 gizonek osaturiko armada-talde bat sortu zuen, [[1872]]. urtean, eta mariskal izendatu zuten hurrengo urtean. [[Bilboko setioa]]n borrokatu zen, eta [[Domingo Moriones]] buruzagi errepublikanoa garaitu zuen, [[1874]]. urteko otsailaren 24 eta 25ean. Bi egun geroago hil zen, leherketa baten ondorioz.▼