'''Édouard Daladier''' ([[Carpentràs|Carpentras]], [[1884]]ko [[ekainaren 18]]a - [[Paris]], [[1970]]eko [[urriaren 10]]a) politikari frantsesa izan zen. Alderdi Erradikal-sozialistako buruzagia izan zen 1919tik 1940ra eta 1946tik 1958ra, eta hainbat Ministerio hartu zituen bi Mundu Gerren artean. Gobernuburu izan zen 1933-1934 eta 1938-1940 urteetan. 1938. urtean, [[Neville Chamberlain|Chamberlain]] britainiarrarekin batera, [[Municheko Konferentzia|Municheko Hitzarmena]] negoziatu zuen Alemaniarekin, baina hark Polonia inbaditu zuenean (1939), Daladierren gobernuak, Britainiakoarekin elkar harturik, gerra deklaratu zion Alemaniari. Alemaniarrek Frantzia hartu zutenean atxilotu egin zuten (1940). Gerra amaitutakoan diputatu hautatu zuten (1946-1958). [[Indotxinako Gerra]]ren eta 1958. urteko Konstituzioaren aurka agertu zen.