'''Alpetar basahuntza''' (''Capra ibex'') [[artiodaktilo]]en ordenako [[bovidae|bobidoen]] familiako animalia basatia da, oso adar luzeak dituena. 1,50 m inguru luze izan daiteke, eta 85 cm garai. [[Ahuntz]]aren antza du, baina gorputz handiagokoa eta hanka-sendoagoa da. Adarrak, metro bete ingurukoak izaten ditu, askoz laburragoak emeak arrak baino. Ile sarri trinkoa, kolorez gris gorrixka du. [[Alpeak|Alpeetan]] bizi da. Oso hurbileko ahaideak ditu [[Pirinioak|Pirinio]] mendietan bizi den [[piriniotar basahuntz]]a (''Capra pyrenaica'') eta [[Afrika]]ko ipar-ekialdeak eta [[Asia]]ko hego-mendebaldean bizi den nubiar basahuntza (''[[Nubiako basahuntz|Capra nubiana]]''), antzina alpetar basahuntzaren azpiespezietzat hartuak.