Harrikatza [[erregai fosil]]a da, izadian harri eran aurkitzen dena. Geologia aldi askotan zehar airearen ukimenetik kanpo jasandako presioaren, beroaren eta bakterien[[bakterio]]en eraginez eratu den ikatza da. Historiaurreko basoetako egurra [[zingira|istingetan]] pilatuz eta lurperatuz joan zen eta, lehen pauso batean, eta prozesu biokimikoek eraginda, [[zohikatz]] delako ikatza eratu zen. Ondoren, [[bakterio|bakterien]] eraginez, zohikatz hori [[lignito]] bilakatu zen, eta lignitoa, berriz, presioaren eta beroaren eraginez ikatz azpibituminoso, [[harrikatz bituminoso]] eta azkenik [[antrazita]]. Antrazita da ikatzaren eraketan azken gaia, eta lur geruzen tolestatze prozesuan harrikatzak jasandako presioaren eta tenperatura garaien ondorioz eratu zen.
