Tiziano: berrikuspenen arteko aldeak

 

[[Fitxategi:TITIAN - Venus Anadyomene (National Galleries of Scotland, c. 1520. Oil on canvas, 75.8 x 57.6 cm).jpg|thumb|left|<small>''Venus Anadiomena'', [[1525]], [[Eskoziako Galeria Nazionala]], [[Edinburgo]].</small>]]

Hastapenetan Giorgioneren estiloa antzeratu zuen, baina maisuak baino estilo dramatikoago batez eta kolore biziagoak erabiliz, halako sentipen bereziak ernarazten dituzten paisajeak hondotzat harturik. [[1510]]ean Giorgione hil ondoren, maisuak bukatu gabe utzitako lanak bukatzeko ardura hartu zuen, hala nola, ''Venus lotan'' eta ''Zelaiko kontzertua''. 1510-[[1515]] bitarteko lanek Giorgioneren formak egiteko modua, baina hobeto eginak, eta Belliniren koloreen garbitasuna eta argitasuna ageri dute. Garai horretakoak dira, adibidez, ''Egiptoko ihesaldia'' (1509 aldean [[Hermitage museoa|Hermitage]], [[San Petersburgo]]), [[Padua]]ko Scuola-ko horma-pinturak (1511), ''Flora'' (1515 aldean, [[Uffizi Galeria]], [[Florentzia]]) eta ''Maitasun sakratua eta Maitasun profanoa'' (1515-1516 aldean, Borghese Galeria, [[Erroma]]). Azken lan horretan, edertasun klasikoaren ideala oreka formal batekin eta oso kolore argiekin bateratzea lortu zuen pintoreak.