'''Andrei Nikolaievitx Tupolev''' ([[errusiera]]z: Андрей Николаевич Туполев; [[Pustomazobo]], 1888ko[[1888]]ko [[azaroaren 10a10]]a – [[Mosku]], 1972ko[[1972]]ko [[abenduaren 23a23]]a) [[errusiar]] ingeniaria izan zen. [[Nikolai Zhukovski|Zhukovskiren]] ikasle eta laguntzaile izan zen. 1918. urtean bere lehen [[monoplano]]a egin zuen. Handik aurrera 100 hegazkin-mota baino gehiago egin ziren haren gidaritzapean. 1933. urtean "ANT 20" hegazkina egin zuen, garai hartako hegazkin handiena izan zena. 1937. urtean atxilotu zuten, eta [[heriotza zigor|heriotza-zigorra]] eman zioten. Heriotza-zigorra kendu bazioten ere, kartzelan egon zen 1941. urtea arte, eta urte hartan aske utzi zuten. Hiru [[Stalin Saria|Stalin Sari]] eta [[Lenin Saria]] (1957) irabazi zituen erreazkiozko hegazkintzari buruz egin zituen lanengatik. Geroago "TU 95" bonba-hegazkina eta "TU 144" merkataritzarako hegazkin supersonikoa egin zituen.
