'''Mikel Urrutikoetxea Azkueta''', [[pilota]] arloan '''Urrutikoetxea''' deituraz ezaguna ([[Zaratamo]], [[Bizkaia]], [[1989]]ko [[maiatzaren 24]]a), [[pilota]] arloan '''Urrutikoetxea''' deituraz ezaguna, [[esku-huskako pilota|esku huskako pilotari]] profesionala da. Aurrelari aritzen da oro har, baina atzelari ere bai zenbaitetan, besteak beste [[Esku Huskako Binakako Pilota Txapelketa Nagusia (2016)|2016ko binakako txapelketa nagusian]]. [[Asegarce]] enpresakoa da. 2009an bihurtu zen profesional, eta urte hartan bertan bigarren mailako lau eta erdiko txapelduna izan zen.<ref>[http://www.asegarce.com/eu/pelotaris/urrutikoetxea-232.html Asegarceren webguneko fitxa]</ref> 2015ean, [[Esku Huskako Buruz Buruko Pilota Txapelketa Nagusia|buruz buruko txapelketa nagusia]] irabazi zuen, finalean [[Olaizola II.a]] 22-19 mendean hartuta. [[Oinatz Bengoetxea]]ren ordez sartu zen Urrutikoetxea finalean, Bengoetxea lesionatu zelako.<ref>{{es}} [http://www.naiz.eus/es/actualidad/noticia/20150628/urrutikoetxea-se-lleva-su-primera-txapela-tras-colarse-en-la-final «Urrutikoetxea se lleva su primera txapela tras colarse en la final»], ''Naiz'', 2015-06-28.</ref> 38 urte ziren bizkaitar batek esku huskako txapelketarik preziatuena irabazten ez zuela.<ref>Unai {{maiuskula txiki|Zubeldia}}: [http://www.berria.eus/paperekoa/1744/024/001/2015-06-30/burua_hotz_mantendu_nuen_eta_ondo_amaitu_nuen_partida.htm «Mikel Urrutikoetxea, Asegarceko pilotaria: "Burua hotz mantendu nuen, eta ondo amaitu nuen partida"»], ''Berria'', 2015-06-30.</ref>
2015ean bertan, lau eta erdiko txapelketa nagusia irabazi zuen. 62 urte iraganak ziren, bizkaitar batek txapel hori azken aldiz erdietsi zuenetik. Urte berean, hiru jokamoldeetako txapelak jarraian irabazitako pilotarien klubean sartu zen. Gainera, binakakoan, bere postutik kanpo jokatu zuen, postu horretan ere bikain moldatzen zela erakutsiz.<ref>{{erreferentzia|izena=Imanol |abizena= Magro Eizmendi |url=http://www.berria.eus/paperekoa/2424/034/001/2016-04-10/zoritxarra_gonbitik_gabe_sartu_da_festan.htm|egunkaria=[[Berria]]|data=2016-04-10|izenburua= Zoritxarra gonbitik gabe sartu da festan}}</ref>
