'''Adamantios Korais''' ([[greziera]]z: Ἀδαμάντιος Κοραῆς; [[Esmirna]], Anatolia, 1748ko[[1748]]ko [[apirilaren 27]]a - [[Paris]], 1833ko[[1833]]ko [[apirilaren 6]]a) greziar humanista izan zen. Greziako literatura modernoaren aitzindaria eta [[greziera|greko]] hizkuntza modernoaren eraberritzaile nagusia izan zen. [[Montpellier]]ren egin zituen Medikuntzako ikasketak, baina bukatu gabe utzi, eta [[Greziako Independentzia Gerra|Greziaren independentziaren]] aldeko lanetan murgildu zen. Lehen idatzietan [[Hipokrates]] eta [[Teofrasto]]ren lanak itzuli zituen greko modernora, eta ''Greziako Literaturako Liburuak'' eta ''Parerga'' izeneko bildumak eskaini zituen 1895-1827 urte-bitartean. 1728-1835 urteetan, greko modernoaren lehen hiztegia eman zuen ''Atakta'' izenburuaz. XVIII. mendeko [[liberalismo]]an hezi zen eta ez zituen onartu [[Eliza ortodoxoa]]ren edota [[Bizantziar Inperioa|Bizantziar Inperioko]] idatzien oinarriak greko modernoa moldatzerakoan. Parisen eman zituen Koraisek urte asko; han sortu zuen ''Filohelendarren Elkartea'' (''Société Philhellénique de Paris'') eta idatzi asko idatzi zuen Greziaren independentziaren alde.
