Cornelius Jansen: berrikuspenen arteko aldeak

'''Cornelius Otto Jansen''' ([[Acquoi]], Holanda, [[1585]]eko [[urriaren 28]]a - [[Ypres]], Flandria, [[1638]]ko [[maiatzaren 6]]a) herbeheretar [[Erromatar Eliza Katolikoa|Erromatar Eliza Katolikoko]] erreformatzaile izan zen. [[Lovainako Unibertsitatea|Lovainan]] hasi zen ikasten 1602an, eta irakasle egin zuten 1630ean. [[Michel De Bay|Bayren]] jarraitzaile ziren [[agustindar]]ren eta [[jesusen Konpainia|jesuiten]] arteko tirabiretan lehenengoen alde agertu zen. [[Jean Duvergier de Hauranne|Duvergier de Hauranne]], Jansenen jarraitzaile eta geroago Saint Cyrango abade izan zenak eta biek, Santuen bizitza eta esanak aztertu zituzten hiru urtean zehar, Agustin santuaren bizitza eta esanak, bereziki. 1617an zuzendari zen Santa Pulkeria Norvegiako ikasleentzako eskolan. Jesuiten aurka jarraitu zuen, haien ikasleei teologiazko tituluak ukatuz. 1628tik aurrera ''Augustinus'' idatzi zuen, Saint Cyranek bultzatua. 1634an ''Mars Gaellicus'' idatzi zuen, nazio protestanteekin bat egin zuelako Frantziako monarkiari kritika eginez. Lan hori hil ondoren argitaratu zioten, eta Elizaren historian zehar ezagutu direnen arteko kinka larrienetarikoa piztu zuen.