Luis Vélez de Guevara: berrikuspenen arteko aldeak

'''Luis Vélez de Guevara''' Espainiar dramagilea eta eleberrigilea ([[Ecija]], [[Sevilla]], [[1579]]ko [[abuztuaren 1]]a - [[Madril]], [[1644]]ko [[azaroaren 10]]a). Artea eta Filosofia ikasi zituen [[Osunako Unibertsitatea]]n. [[Italia]]ra joan zen soldadu, eta gero Madrilen hartu zuen egoitza, nobleen zerbitzura. Dramagile gisa arrakasta handia izan bazuen ere, oso pobre bizi izan zen beti. Dirudienez, 400 obra baino gehiago idatzi zituen, eta [[Lope de Vega]]ren jarraitzaile nagusietako bat izan zen. Bere garaiko genero guztiak (''[[auto sakramental]]'' izenekoa, erlijio-gaiak, [[komedia]]) landu bazituen ere, historiako gai tradizionaletan oinarritutako dramek eman zioten ospea; [[elezahar]] heroikoetan (''Más pesa el rey que la sangre'') nahiz herrikoietan (''La luna de la sierra'') oinarrituak ziren. Vélez de Guevararen drama ezagunenak: ''Reinar después de morir'', ''La Reine morte'' obraren oinarritzat hartu zuena, eta [[eleberri pikaresko]] bat, ''El diablo cojuelo'', dira.